سعودی جوائنٹ فورسز کے کمانڈر سے پاک بحریہ کے سربراہ کی ملاقات 

سعودی جوائنٹ فورسز کے کمانڈر ڈپٹی چیف آف جنرل سٹاف لیفٹیننٹ جنرل مطلق الازیمع سے اتوار کو پاک بحریہ کے سربراہ ایڈمرل نوید اشرف نے ملاقات کی ہے۔ 

سعودی وزارت دفاع کے آفیشل ایکس اکاونٹ پر جاری بیان کے مطابق ملاقات میں عسکری اور دفاعی شعبوں میں دونوں ملکوں کے درمیان تعاون کے پہلوؤں، جوائنٹ کو آرڈینیشن اور مشترکہ دلچسپی کے امور پر تبادلہ خیال کیا گیا۔

علاوہ ازیں سعودی عرب میں پاکستان کے سفیر احمد فاروق نے سعودی عرب کے سرکاری دورے پر آئے ہوئے پاک بحریہ کے سربراہ ایڈمرل نوید اشرف کے اعزاز میں اپنی رہائش پرعشائیہ دیا۔

اسلامی فوجی اتحاد برائے انسداد دہشت گردی کے سربراہ جنرل ( ر) راحیل شریف نے بھی شرکت کی۔