سعودی وزارت دفاع میں ڈیولپمنٹ پروگرام کے ایگزیکٹیو چیئرمین ڈاکٹر سمیرالطیب سے منگل کو پاکستان کے جوائنٹ چیف آف سٹاف کمیٹی جنرل ساحر شمشاد نے ملاقات کی ہے۔
وزارت دفاع کے ٹوئٹر اکاونٹ پر جاری بیان میں کہا گیا کہ’ جنرل ساحر شمشاد اور ڈاکٹر سمیرالطیب نے باہمی دلچسپی کے متعدد موضوعات پر تبادلہ خیال کیا ہے‘۔
علاوہ ازیں جنرل ساحر شمشاد نے کنگ عبدالعزیز آرمی کالج کا دورہ کیا اور اس کے مختلف شعبوں اور کلاس رومز کا معائنہ کیا۔
فیکلٹی کے کمانڈر میجر جنرل علی الحضیف نے پاکستان کے جوائنٹ چیف آف سٹاف کمیٹی کا خیر مقدم کیا۔
