شاہ سلمان کی نیابت کرتے ہوئے وزیرخارجہ کیوبا روانہ
جمعرات 14 ستمبر 2023 21:06
گروپ 77 پلس چائنا کے سربراہ اجلاس میں سعودی وفد کی قیادت کریں گے(فوٹو، ٹوئٹر)
خادم حرمین شریفین شاہ سلمان بن عبدالعزیز کی نیابت کرتے ہوئے وزیر خارجہ شہزادہ فیصل بن فرحان ’گروپ 77 پلس چائنا‘ کے سربراہ اجلاس میں شرکت کے لیے کیوبا روانہ ہوگئے۔
سعودی خبررساں ادارے ’ایس پی اے‘ کے مطابق فیصل بن فرحان 15 اور 16 ستمبر کو ہوانا میں ہونے والے گروپ 77 پلس چائنا کے سربراہ اجلاس میں سعودی وفد کی قیادت کریں گے۔
گروپ 77 پلس چائنا کے سربراہ اجلاس کے ایجنڈے پر متعدد عالمی حالات حاضرہ اور دنیا کو درپیش چیلنج ہیں۔
سربراہ اجلاس میں شریک ممالک دنیا کو درپیش چیلنجوں کے پائیدار حلوں پر مباحثہ کریں گے۔ اس سلسلے میں مشترکہ مفادات والی شراکتوں اور کثیر فریقی جدوجہد کے استحکام جیسے امور زیر بحث آئیں گے۔
سعودی وزیر خارجہ اس موقع پر سربراہ اجلاس میں شریک برادر اور دوست ممالک کے نمائندوں سے دوطرفہ ملاقاتیں بھی کریں گے۔
