ریاض میں ارجنٹائن کے مقامی فن اور ثقافت کے لیے پروگرام

تھیٹر اینڈ آرٹ اتھارٹی  نے ریاض میں ارجنٹائن اور جنوبی امریکہ کی ثقافت اور مقامی فن کو اجاگر کرنے کے لیے خصوصی پروگرام کا اعلان کیا ہے۔

سبق ویب سائٹ کے مطابق ریاض کی شہزادی نورہ یونیورسٹی کے تھیٹر میں یہ پروگرام 3 اکتوبر سے 9 دسمبر تک جاری رہیں گے۔

انتظامیہ نے کہا ہے کہ ’پرفارمنس ہفتے میں 5 دن رہیں گے اور توقع ہے کہ اسے دیکھنے کے لیے 10 ہزار افراد آئیں گے‘۔

’ایکٹویٹی کے تحت مختلف عمروں کے لوگوں کی دلچسپی کا بھی خیال رکھا جائے گا‘۔

’پروگرام کے دوران ارجنٹائن کے پکوان اور مصنوعات کو متعارف کرانے کے لیے مقامی تہذیب ، ثقافت اور تاریخ کو بھی اجاگر کیا جائے گا‘۔