انڈونیشی ملازمہ سونے کا قیمتی سیٹ تحفے میں ملنے پر خوشی سے نہال

سعودی خاندان کی جانب سے انڈونیشی ملازمہ کو سونے کا قیمتی سیٹ تحفے میں دیا ہے۔ اس کی وڈیو سوشل میڈیا پر وائرل ہے۔

وڈیو میں دیکھا جاسکتا ہے کہ انڈونیشی ملازمہ قیمتی تحفہ ملنے پر خوشی سے نہال ہے۔ 

المرصد ویب سائٹ کے مطابق سعودی شہری نے گھریلو ملازمہ ’میری‘ کی وڈیو سوشل میڈیا پر شیئر کی ہے۔

انڈونیشی ملازمہ میری الاحسا کے ایک قریے میں العطیہ فیملی کے یہاں 30 برس سے کام کررہی ہیں۔ 

ویڈیو میں دیکھا جا سکتا ہے کہ خادمہ کچن میں میں کام میں مصروف ہے اس دوران فیملی کا ایک ممبر پوچھتا ہے آپ کیا کررہی ہیں؟۔

گھریلو خادمہ کو وہ اپنے ہمراہ زیورات کے ایک شو روم میں لے گیا اور کہا کہ اپنی پسند کا سیٹ منتخب کریں۔ 

انڈونیشی ملازمہ سونے کا تحفہ ملنے پر حیرت زدہ رہ گئی اور کہا کہ ’یہ تو بہت قیمتی ہے‘۔

جس پر سعودی شہری نے کہا کہ ’یہ آپ کے لیے سستا ہے۔  یہ سیٹ میری والدہ کی طرف سے آپ کے لیے تحفہ ہے‘۔