مسجد الحرام اور اطراف میں گداگروں کے خلاف کارروائیاں جاری

سعودی عرب مکہ مکرمہ میں محکمہ انسداد گداگری کی ٹیموں کی جانب سے مسجد الحرام اوراطراف میں گداگروں کے خلاف کارروائیاں جاری ہیں۔ 

عاجل نیوز کے مطابق محکمہ انسداد گداگری کا کہنا ہے کہ پیشہ ورگداگر ماہ مبارک میں مسجد الحرام کی حرمت وتقدس کا بھی خیال نہیں رکھتے۔ 

محکمہ کی ٹیمیں مسجد الحرام کے اطراف بھی گداگروں کے خلاف مصروف ہیں۔

تفتیشی ٹیموں نے سعودی شہری سمیت متعدد غیرملکیوں کو گداگری کرتے ہوئے رنگے ہاتھوں گرفتار کرکے انہیں متعلقہ ادارے کے حوالےکیا ہے جہاں ان سے مزید تحقیقات کے بعد ان کے خلاف قانونی کارروائی کی جائے گی۔