الجوف ریجن میں پولیس نے دو سعودی شہریوں کو گرفتار کر کے ان کے قبضے سے ممنوعہ طبی اور نشہ آور گولیاں برآمد کی ہیں۔
عاجل نیوز کے مطابق ادارہ امن عامہ کی جانب سے ٹوئٹر پر جاری بیان میں کہا گیا ہے کہ ’ریجن میں پیٹرولنگ پارٹی نے دو مشکوک افراد کی تلاشی لی تو ان کے قبضے سے ممنوعہ طبی اورنشہ آور گولیاں برآمد ہوئیں۔‘
ادارہ امن عامہ کا مزید کہنا تھا کہ ملزمان کے قبضے سے 29 ممنوعہ طبی گولیاں، 14 گرام کرسٹل اورنشہ آور گولیاں برآمد کی گئیں۔
ملزمان کے خلاف ابتدائی رپورٹ درج کر کے انہیں محکمہ انسداد منشیات کے حوالے کر دیا گیا ہے جہاں سے ان کا کیس کرمنل کورٹ میں بھیجا جائے گا۔
