پاکستان کی انٹربینک مارکیٹ میں کاروباری ہفتے کے پہلے روز روپے کے مقابلے میں امریکی ڈالر کی قیمت میں اضافہ ریکارڈ کیا گیا ہے۔
سٹیٹ بینک آف پاکستان کے مطابق پیر کو پاکستانی روپے کے مقابلے میں امریکی ڈالر کی قیمت میں 16 پیسے کا اضافہ ہوا اور انٹربینک مارکیٹ میں اس کی نئی قیمت 269.44 روپے ہوگئی ہے۔
پاکستان کی انٹربینک مارکیٹ میں سعودی ریال کی قدر 71.80، اماراتی درہم 73.35، بحرینی دینار 714.70، عمانی ریال 700.75، کویتی دینار 879.86 اور قطری ریال کی قیمت 73.48 روپے ریکارڈ کی گئی۔
دوسری جانب اوپن مارکیٹ میں 13 فروری کو امریکی ڈالر کی قیمت خرید 269.19 اور قیمت فروخت 269.69 روپے ریکارڈ کی گئی۔
سعودی ریال کی قیمت خرید 71.65 اور قیمت فروخت 71.95 جبکہ اماراتی درہم کی قیمت خرید 73.2 اور قیمت فروخت 73.5 روپے رہی۔
