مصر کا لڑاکا طیارہ تربیتی پرواز کے دوران گر کر تباہ

مصر کا ایک لڑاکا طیارہ اتوار کو تربیتی پرواز کے دوران گرکر تباہ ہوگیا۔

عرب نیوز کے مطابق مصری فوج کے ترجمان نے ایک بیان میں کہا کہ’ حادثہ تیکنیکی خرابی کے باعث پیش آیا۔ طیارے کا عملہ محفوظ رہا جبکہ زمین پر بھی کوئی نقصان نہیں ہوا ہے‘۔

ترجمان نے کہا کہ’ متعلقہ حکام حادثے کے حوالے سے ضروری اقدامات کر رہے ہیں‘۔

ترجمان نے بیان میں حادثے کے مقام کی نشاندہی نہیں کی۔

یاد رہے کہ رواں برس جون میں بھی مصر کا ایک لڑاکا طیارہ تیکنیکی خرابی کے باعث گرکر تباہ ہوگیا تھا تاہم پائلٹ محفوظ رہا تھا۔