آج نومبر کی دو تاریخ ہی نہیں بلکہ فلم شائقین خصوصاً شاہ رخ خان کے مداحوں کو دوہری خوشی بھی ملی ہے۔
این ڈی ٹی وی کے مطابق ایک تو آج بالی وڈ سٹار شاہ رخ خان کا جنم دن ہے اور دوسرا ان کی ’پٹھان‘ فلم کا ٹیزر جاری کر دیا گیا ہے، جس کا طویل عرصے سے انتظار کیا جا رہا تھا۔
مزید پڑھیں
-
شاہ رخ خان کا معذور مداح کے ساتھ ڈانسNode ID: 695451 -
’مجھ پر گیا ہے‘، بیٹے کی تصویر پر شاہ رخ خان کا تبصرہNode ID: 700806 -
شاہ رخ خان اپنی شرٹ سے کیا کہنا چاہ رہے ہیں؟Node ID: 703931
پٹھان کا ٹیزز اس بھاری آواز کے ساتھ شروع ہوتا ہے ’تم پٹھان کے بارے میں کیا جانتے ہو۔‘
اس کے بعد ابھرنے والے مناظر سے کُھلتا ہے کہ تین سال قبل پچھلے مشن کے دوران گرفتاری اور تشدد کے بعد سے اس کا کوئی کوئی اتہ پتہ نہیں ہے۔
اس کے اگلے ہی منظر میں شاہ رخ خان کچھ یوں دکھائی دیتے ہیں کہ وہ صرف زندہ ہی نہیں بلکہ پہلے سے بہت بڑھ کر بھی ہیں۔
ٹیزر میں کچھ ایسے ہائی فائی تھرلنگ مناظر بھی دیکھنے کو ملتے ہیں جس میں شاہ رخ خان اور دیپکا پاڈوکون ایکشن میں دکھائی دیتے ہیں۔
اسی طرح شاہ رخ خان اور جان ابراہم کے درمیان فائٹ کا منظر بھی ٹیزر کا حصہ ہے۔
ٹیزر شاہ رخ خان کے اس ڈائیلاگ کے ساتھ ختم ہوتا ہے ’اپنی سیٹ بیلٹس باندھ لیجیے، طوفان آنے کو ہے۔‘
شاہ رخان نے سوشل میڈیا پر پٹھان کا ٹیزر شیئر کرتے ہوئے بھی یہی الفاظ صرف اس اضافے کے ساتھ لکھے ہیں ’پٹھان کا ٹیزر آ گیا۔‘
’پٹھان‘ اگلے سال 25 جنوری کو ریلیز ہو گی جو ہندی کے علاوہ تامل اور تیلگو زبان میں بھی ہو گی۔
یہ شاہ رخ خان اور دیپکا پاڈوکون کی چوتھی فلم ہے جس میں دونوں نے اکٹھے کام کیا ہے۔
دیپکا پاڈوکون نے 2007 میں اپنی پہلی ہی فلم ’اوم شانتی اوم‘ میں شاہ رخ خان کے ساتھ کام کیا تھا۔ اس کے بعد وہ ’ہیپی نیو ایئر‘ اور ’چنائے ایکسپریس‘ میں بھی ایک ساتھ نظر آئے۔
یہ تمام فلمیں باکس آفس پر اچھا بزنس کرنے میں کامیاب رہیں۔
پٹھان میں شاہ رخان خان اور جان ابراہم پہلی بار ایک ساتھ نظر آئیں گے۔
اس فلم کو سدھارتھ آنند نے ڈائریکٹ کیا ہے جبکہ پروڈیوسر یش راج ہیں۔
شاہ رخ خان 57 ویں سالگرہ پر گھر کے باہر جمع ہونے والے فینز کے سامنے بھی آئے اور ہاتھ اٹھا کر ان کی محبتوں کا جواب دیا۔
اسی طرح مداح سوشل میڈیا پر سٹار کو مبارک بادیں دے رہے ہیں۔
