نجران میں غیر ملکی کو جان بوجھ کر گاڑی سے ٹکر مارنے والا شہری گرفتار

سعودی عرب کے نجران ریجن میں پولیس نے غیر ملکی کو گاڑی سے جان بوجھ کر ٹکر مار کر فرار ہونے والے مقامی شہری کو گرفتار کیا ہے۔

نجران میں ایک ادارے کے احاطے میں مقیم غیر ملکی کو جان بوجھ کر گاڑی سے ٹکر مارنے کی وڈیو سوشل میڈیا پر وائرل ہے۔

المرصد ویب کے مطابق وڈیو میں ایک ادارے کے احاطے میں موجود مقیم غیر ملکی کو مقامی شہریجان بوجھ کر گاڑی کی ٹکر مار کر فرار ہوتے دیکھا جاسکتا ہے۔ غیرملکی کو معمولی زحم آئے تھے۔

نجران پولیس نے مفرور ڈرائیور کو تلاش کرکے حراست میں لیا۔ مقامی شہری کو قانونی کارروائی کے بعد پبلک پراسیکیوشن کے حوالے کیا گیا ہے۔