شہزادہ فیصل بن فرحان کا ہنگری کے ہم منصب سے رابطہ

سعودی وزیر خارجہ شہزادہ فیصل بن فرحان نے جمعے کو ہنگری کے وزیر برائے امور خارجہ پیٹر سیجارتو سے ٹیلی فون پر رابطہ کیا ہے۔

سرکاری خبر رساں ایجنسی ایس پی اے کے مطابق رابطے کے دوران دونوں ملکوں کے تعلقات کا جائزہ لیا گیا۔

مشترکہ مفادات کے لیے انہیں بڑھانے اور سپورٹ کے طریقوں پر تبادلہ خیال کیا گیا ہے۔

مشترکہ مفاد کے علاقائی اور بین الاقوامی امور پر بھی بات چیت کی گئی۔