29 جولائی کو پاکستانی روپے کے مقابلے میں ڈالر، سعودی ریال اور دیگر کرنسیوں کی قیمت
جمعہ 29 جولائی 2022 15:01
سوشل ڈیسک -اردو نیوز
پاکستانی روپے کے مقابلے میں امریکی ڈالر کی قدر میں کئی روز سے جاری اضافے کا سلسلہ جمعہ کو کاروباری ہفتے کے آخری دن رک گیا۔
سٹیٹ بینک آف پاکستان کی جاری کردہ کرنسی ایکسچینج رپورٹ کے مطابق جمعہ 29 جولائی کو ڈالر کے مقابلے میں روپے کی قدر 57 پیسے بڑھی ہے۔
روپے کے مقابلے میں سعودی ریال کی قیمت 63.73، اماراتی درہم 65.17، کویتی دینار 780.78، عمانی ریال 621.71 اور بحرینی دینار 634.92 روپے رہی۔
دوسری جانب 29 جولائی کو اوپن مارکیٹ میں امریکی ڈالر کی قیمت خرید 246 جب کہ قیمت فروخت 250 روپے رہی۔
سعودی ریال کی قیمت خرید 61.7 اور قیمت فروخت 62.5، اماراتی درہم کی قیمت خرید 63.5 اور قیمت فروخت 65 روپے برطانوی پاؤنڈ کی قیمت خرید 293 اور قیمت فروخت 300 روپے رہی۔