وادی ضیم کے جنگلات میں لگنے والی آگ پر قابو پانے کی کوشش

محکمہ شہری دفاع نے کہا ہے کہ طائف کی وادی ضیم کے پہاڑی جنگلات میں آگ لگ گئی ہے جس پر قابو پانے کی کوشش جاری ہے۔

سبق ویب سائٹ کے مطابق  محکمے نے کہا ہے کہ ’جنگلات میں لگنے والی آگ کو محدود کردیا گیا ہے‘۔

’احتیاطی تدابیر اختیار کرتے ہوئے قریبی آبادی کو مطلع کردیا گیا ہے تاہم معاملات قابو میں ہیں‘۔

محکمے نے کہا ہے کہ ’سنگلاخ پہاڑوں اور مشکل راستے کی وجہ سے ہیوی مشین کو وہاں لے جانا مشکل ہے‘۔

محکمہ شہری دفاع طائف کے سربراہ اور اعلی حکام خود موقع پر موجود ہیں اور جلد ہی آگ پر قابو پالیا جائے گا۔