روپے کی مقابلے میں ڈالر تاریخ کی بلند ترین سطح پر

پاکستان میں کاروباری ہفتے کے پہلے روز روپے کے مقابلے میں ڈالر تاریخ کی بلند ترین سطح پر پہنچ گیا ہے۔

پاکستان کے مرکزی بینک کے مطابق پچھلے کاروباری ہفتے کے آخری روز پاکستانی روپے کے مقابلے میں ڈالر کی قیمت 180.57 روپے تھی جو پیر کو 68 پیسے کے اضافے کے بعد 181.25 روپے پر پہنچ گئی ہے۔

سٹیٹ بینک آف پاکستان کے مطابق پیر کو سعودی ریال کی قدر 48.31 روپے رہی، اماراتی درہم 49.34، برطانوی پاؤنڈ 238.37، عمانی ریال 471.39، بحرینی دینار 480.77، یورو 200.34، کویتی دینار کی قدر 596.49 روپے رہی۔

دوسری جانب اوپن مارکیٹ میں امریکی ڈالر کی قیمت خرید 181 اور قیمت فروخت 182.5، سعودی ریال کی قیمت خرید 47.4 اور قیمت فروخت 48، اماراتی درہم کی قیمت خرید 49.4 جب کہ قیمت فروخت 50 روپے رہی۔