غیر قانونی تارکین کے خلاف مہم جاری، 13 ہزار سے زائد افراد گرفتار

سعودی عرب کو غیر قانونی تارکین سے پاک کرنے کی مہم جاری ہے جس کے تحت گزشتہ ہفتے 13 ہزار 384 افراد گرفتار ہوئے ہیں۔

سعودی پریس ایجنسی کے مطابق مذکورہ افراد کی تعداد 10 مارچ سے 16 مارچ کے درمیان گرفتار ہوئی ہے۔

مشترکہ کمیٹی نے اپنی ہفتہ وار رپورٹ میں کہا ہے کہ ’گرفتار شدگان کی کل تعداد میں سے 7 ہزار دو سو 67 افراد اقامہ قوانین کی خلاف ورزی کر رہے تھے‘۔

’سرحدی قوانین کی خلاف ورزی کرنے والے 7172 تھے جبکہ 1945 گرفتار شدگان لیبر قوانین کی خلاف ورزی کے مرتکب تھے‘۔

مشترکہ کمیٹی نے کہا ہے کہ’294 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے‘۔

’ان میں سے 65 فیصد ایتھوپی، 34 فیصد یمنی اور ایک فیصد دیگر ممالک کے تارکین تھے‘۔

’اسی طرح 271 افراد کو بھی گرفتار کیا گیا ہے جو سرحد عبور کرکے غیر قانونی طریقےسے بیرون ملک جانے کی کوشش کر رہے تھے‘۔

مشترکہ کمیٹی نے کہا ہے کہ ’غیر قانونی تارکین کے ساتھ تعاون کرنے اور انہیں سہولت فراہم کرنے پر 15 افراد گرفتار ہوئے ہیں‘۔