سعودی قیادت کی طرف سے ہنگری کی صدر کو مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے ہنگری کی صدر کاتالین نوواک کو دوبارہ منتخب کرنے پر مبارکباد پیش کی ہے۔

سعودی پریس ایجنسی کے مطابق سعودی قیادت نے ہنگری کی نئی حکومت اور عوام کے لیے نیک جذبات کا اظہار کیا ہے۔

شاہ سلمان بن عبد العزیز  اور ولی عہد شہزادہ سلمان بن عبد العزیز نے ہنگری کے صدر کے نام اپنے مکتوب میں کہا ہے کہ ’ہم امید رکھتے ہیں کہ دوبارہ انتخاب ملک اور قوم کے لیے بہتری اور ترقی ثابت ہوگا‘۔

دوسری طرف خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے زامبیا کے سابق صدر روبیا باندا کی وفات پر تعزیتی پیغام ارسال کیا ہے۔

سعودی قیادت نے زامبیا کے صدر ہاکینڈی کو تعزیتی مکتوب میں کہا ہے کہ ’ہمیں سابق صدر کی وفات پر دکھ ہوا ہے‘۔

’ہم زامبیا کی حکومت، عوام اور سابق صدر کے لواحقین سے گہرے دکھ اور افسوس کا اظہار کرتے ہیں‘۔