کرکٹر رومان رئیس کی بیٹی چھت سے گر کر زخمی ہوگئیں

پاکستانی فاسٹ بولر رومان رئیس کی دو سالہ بیٹی اپنے گھر کے فرسٹ فلور سے گر کر زخمی ہوگئی ہیں۔

مقامی میڈیا کے مطابق فاسٹ بولر کی بیٹی کراچی کے میمن ہسپتال کے آئی سی یو میں زیر علاج ہیں اور ان کے سر اور ناک کی ہڈی پر چوٹ آئی ہے۔

پاکستان میں کھیلوں پر رپورٹنگ کرنے والے صحافیوں کا کہنا ہے کہ رومان رئیس نے اپنے پرستاروں سے اپنی بیٹی کی جلد صحتیابی کے لیے دعا کرنے کی گزارش کی ہے۔

دوسری جانب ڈاکٹرز کا کہنا ہے کہ دو سالہ بچی کو دو روز تک ہسپتال ہی میں رکھا جائے گا تاکہ ان کی دیکھ بھال کی جاسکے۔