’زائرین کو رمضان کے دوران بہترین سہولتیں فراہم کریں گے‘

حرمین شریفین انتظامیہ کے سربراہ اعلی شیخ ڈاکٹرعبدا لرحمن السدیس نے کہا ہے کہ’ مسجد الحرام اور مسجد نبوی کے زائرین کو رمضان کے دوران بہترین سہولتیں فراہم کریں گے‘۔

سبق ویب کے مطابق ڈاکٹرعبدا لرحمن السدیس نے پیر کو مسجد الحرام کی انتظامیہ کے اعلی عہدیداروں سے ملاقات کی اور انہیں آئندہ رمضان کی تیاریاں مکمل کرنے کی ہدایت کی ہے۔

انہوں نے انتظامیہ کے عہدیداروں سے کہا کہ ’ہماری قیادت چاہتی ہے کہ حرمین شریفین اور ان کے زائرین کو ہر طرح کی سہولت فراہم کی جائے‘۔ 

ڈاکٹر السدیس نے مزید کہا کہ ’زائرین کی صحت وسلامتی کےلیے تمام اہلکار کورونا ایس او پیز کی مکمل پابندی کریں‘۔

انہوں نے مزید کہا کہ ’مصنوعی ذہانت سے جنتا فائدہ اٹھایا جا سکتا ہے اٹھایا جائے۔ رمضان میں زائرین کو عبادت کے حوالے سے پرسکون ماحول فراہم کرنے میں کوئی کسر نہ چھو ڑی جائے‘۔