رواں کاروباری ہفتے کے دوران امریکی ڈالر کی قیمت میں ایک روپے سے زائد کی کمی

پاکستانی روپے کے مقابلے میں امریکی ڈالر کی قیمت میں مزید کمی کے بعد رواں کاروباری ہفتے کے دوران یہ کمی ایک روپے 25 پیسے ہو چکی ہے۔

سٹیٹ بینک آف پاکستان کی جانب سے انٹربینک مارکیٹ سے متعلق جاری کردہ اعدادوشمار کے مطابق جمعرات کو پاکستانی روپے کے مقابلے میں امریکی ڈالر کی قیمت 89 پیسے کی کمی ہوئی۔

حالیہ کمی کے بعد امریکی ڈالر کی قدر 176.41 سے کم ہو کر 175.52 روپے رہی۔

انٹربینک مارکیٹ میں تین فروری کو سعودی ریال کی قدر 46.78، اماراتی درہم 47.78، برطانوی پاؤنڈ 237.88، بحرینی دینار 465.58، عمانی ریال 455.87، کویتی دینار 580.17 روپے رہی۔