ریاض: گاڑیاں چرانے والا 7 رکنی غیر ملکی گروہ گرفتار

ریاض پولیس کے ترجمان نے کہا ہے کہ  دارالحکومت میں ٹرک، بھاری مشینری اور گاڑیاں چوری کرنے والے  7 رکنی گروہ کوگرفتار کرلیا گیا ہے- ملزمان مسروقہ گاڑیوں کو کھول کر فاضل پرزے فروخت کرنے والی دکانوں کو بیچ دیتے تھے- 

عاجل ویب سائٹ کے مطابق پولیس ترجمان نے مزید بتایا کہ گروہ میں شامل غیر ملکیوں میں سے 5 کا تعلق پاکستان اور 2 کا سوڈان سے ہے جو قانون محنت کی خلاف ورزی کے بھی مرتکب پائے گئے-  

 واردات کرنے والا گروہ ریاض کے صحرا میں ایک ورکشاپ قائم کیے ہوئے تھا- وہاں 30 ٹرک اور3 مسروقہ گاڑیاں بھی بازیاب کرلی گئیں-

علاوہ ازیں ٹرکوں اور گاڑیوں کے فاضل پرزے بھی برآمد ہوئے جبکہ انہیں ذخیرہ کرنے والےکنٹینر بھی ورکشاپ میں موجود تھے-  

پولیس ترجمان کا کہنا تھا کہ ساتوں کو حراست میں لے کر ابتدائی قانونی کارروائی کے بعد پبلک پراسیکیوشن کے حوالے کردیا گیا-