پکڑے جانے والے بڑے کرپشن کیسز کے بارے میں ٹی وی ڈرامہ

سعودی ٹی وی چینل پر ملک میں پکڑے جانے والے مشہور کرپشن کیسز کے بارے میں ڈرامہ دکھایا جائے گا۔

سبق ویب سائٹ کے مطابق ڈرامے کی پہلی قسط آج منگل کو رات ساڑھے 8 بجے دکھائی جائے گی۔

ٹی وی ذرائع نے کہا ہے کہ ’ڈرامے کی تیاری ادارہ انسداد کرپشن کے تعاون سے کی گئی ہے۔‘

’ادارے نے اس سے پہلے کرپشن کے جو مشہور کیسز پکڑے ہیں اور جن میں ملوث افراد مختلف سرکاری محکموں میں اونچے عہدوں پر فائز تھے، ان کو سامنے رکھتے ہوئے ڈرامہ تیار کیا گیا ہے۔‘

’ڈرامے کا مقصد لوگوں کو کرپشن کے تباہ کن اثرات سے آگاہی دلانا اور ادارے کی کوششوں کو اجاگر کرنا ہے۔‘

ذرائع نے کہا ہے کہ ’ڈرامے کے بعض مناظر حقیقی ہیں جن میں ملوث افراد کو پکڑتے اور کرپشن سے حاصل ہونے والی دولت کو ضبط کرتے ہوئے دکھایا گیا ہے۔‘