پرائمری اور کے جی کے طلبہ کی 30 اکتوبر کو سکولوں میں حاضری

سعودی عرب کے پرائمری اور کے جی کے طلبہ 30 اکتوبر کو سکولوں میں حاضری دیں گے۔

سبق ویب سائٹ کے مطابق وزارت تعلیم کے جاری شدہ جدول کے مطابق 12 سال سے کم عمر کے وہ طلبہ جو پرائمری اور کے جی کے مراحل میں ہیں ان کی حاضری 24 ربیع  الاول بمطابق 30 اکتوبر ہوگی۔

یاد رہے کہ رواں تعلیمی سال کے آغاز سے اب تک پرائمری اور کے جی کے طلبہ کی آن لائن تدریس جاری تھی۔

صرف مڈل اورہائی سکولوں کے ان طلبہ کو حاضری کی اجازت دی گئی ہے جن کی عمر 12 سال ہے اور جنہوں نے ویکسین لگوا رکھی ہے۔

وزارت تعلیم نے رواں تعلیمی سال کا جدول جاری کرتے ہوئے واضح کیا تھا کہ 30 اکتوبر یا رہائشیوں میں ویکسین لینے والوں کی شرح 70 فیصد ہونے پر تمام مراحل کے طلبہ کی سکولوں کو واپسی ہوگی۔