سعودی شہری کے چوری ہونے والے ایک لاکھ ریال برآمد، غیر ملکی گرفتار

سعودی عرب میں مکہ مکرمہ پولیس کے ترجمان نے کہا ہے کہ سعودی شہری کے چوری کیے جانے والے ایک لاکھ ریال برآمد کرلیے گئے۔

عکاظ اخبار کے مطابق ترجمان نے بتایا کہ ’ابتدائی اطلاعات سے پتہ چلا تھا کہ مصری شہری نے ریاض ریجن میں مقیم سعودی شہری کے ایک لاکھ ریال چوری کیے تھے‘۔

پولیس ترجمان نے بتایا کہ’ پولیس نے تحقیقات کے بعد ملزم کو حراست میں لے لیا، ابتدائی قانونی کارروائی کے بعد اسے پبلک پراسیکیوشن کے حوالے کردیا گیا‘۔