سعودی موسمیات کے قومی مرکز نے کہا ہے کہ جمعرات کو بحیرہ احمر کے ساحلی مقامات اور مدینہ منورہ ریجن میں گرد آلود تیز ہواؤں کی وجہ سے حد نظر محدود ہونے کا امکان ہے۔
اخبار 24 کے مطابق قومی مرکز کا کہنا ہے کہ جازان، عسیر اور باحہ کے بالائی مقامات پر تیز ہواؤں اور گرج چمک کے ساتھ بارش ہونے کی توقعات ہیں۔ بارش کا سلسلہ مکہ مکرمہ کے بالائی علاقوں تک پھیل جائے گا۔
قومی مرکز نے امکان ظاہر کیا ہے کہ جمعرات کو سب سے زیادہ درجہ حرارت 42 سینٹی گریڈ مدینہ منورہ اور سب سے کم درجہ حرارت 13 سینٹی گریڈ السودۃ میں متوقع ہے۔
