خمیس مشیط میں عمارت میں آگ لگنے سے ایک شخص ہلاک، دو زخمی

خمیس مشیط میں واقع ایک رہائشی عمارت میں آگ لگنے سے ایک شخص ہلاک جبکہ دو بچے زخمی ہوگئے۔

سبق ویب سائٹ کے مطابق آتشزدگی الخالدیہ محلے میں واقع ایک عمارت میں ہوئی ہے۔

محکمہ شہری دفاع نے کہا ہے کہ ’اطلاع ملتے ہی متعدد ٹیمیں موقع پر پہنچ گئیں اور آگ پر قابو پالیا‘۔

’ایک اپارٹمنٹ میں رہائش پذیر ایک عرب تارک وطن آتشزدگی سے ہلاک ہوا ہے جبکہ اس کے دو بچے زخمی ہوئے ہیں‘۔

’آتشزدگی کے اسباب معلوم کئے جارہے ہیں جبکہ زخمیوں کو علاج کے لیے قریبی ہسپتال منتقل کردیا گیا ہے‘۔