ریاض میں فوجی یونیفارم تیار کرنے والی دکان سیل، تین غیرملکی گرفتار

ریاض ریجن میں فوجی یونیفارم تیار کرنے والی ایک دکان کو سربمہر کردیا گیا ہے اور غیر قانونی طریقے سے کام کرنے والے تین غیرملکی کارکن گرفتار کرلیے گئے-

ایس پی اے کے مطابق سکیورٹی کمیٹی نے دکان پر سکیورٹی کارروائی کی، جہاں خفیہ سرکاری خطوط کی فوٹو کاپیاں رکھی ہوئی تھیں- 20 عسکری یونیفارم موجود تھے۔ علاوہ ازیں خلاف قانون عسکری عہدوں کی علامتیں اور سٹارز بھی بھاری مقدار میں ضبط کیے گئے-

فوجی یونیفارم فروخت کرنے والی دکان پر کارروائی قائم مقام گورنر ریاض کی ہدایت پر کی گئی- شہزادہ محمد بن عبدالرحمان نے حکم دیا تھا کہ غیر قانونی طریقے سے عسکری یونیفارم تیار کرنے والوں کے خلاف سخت کارروائی کی جائے- تفتیشی مہم میں وزارت نیشنل گارڈ، وزارت تجارت، ریاستی سلامتی کی پریذیڈنسی، ریاض میونسپلٹی، پولیس اور محکمہ پاسپورٹ اور سپیشل فورس کے نمائندے شامل تھے-

ریاض لیبر آفس کے عہدیدار بھی تفتیشی مہم میں شریک رہے- غیر قانونی طور پر موجود تمام اشیا ضبط کرلی گئیں اورذمہ دار عناصر کے خلاف قانونی کارروائی کردی گئی-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں