سعودی عرب میں سنیچر بارہ جون کو کورونا کے نئے کیسز پھر ایک ہزار سے زیادہ سامنے آئے ہیں۔
سنیچر کو سبق نیوز نے وزارت صحت کی جانب سے جاری بیان کے حوالے سے بتایا کہ ’گذشتہ 24 گھنٹوں کے دوران کورونا کے ایک ہزار 77 نئے مریض سامنے آئے جبکہ 906 افراد صحت یاب بھی ہوئے۔‘
مزید پڑھیں
-
کورونا ویکسین سے کن افراد کو استثنی، وزارت صحت کا جوابNode ID: 569756 -
سعودی نرس جو کورونا میں جان کی بازی ہار گئیNode ID: 573331
وزرات صحت کے مطابق ’گذشتہ 24 گھنٹوں کے دوران کورونا کے مزید 16 مریض چل بسے، جس کے بعد مرنے والوں کی مجموعی تعداد بڑھ کر سات ہزار 553 ہو گئی ہے۔‘
وزارت کا کہنا ہے کہ ’مملکت میں کورونا کے ایکٹیو کیسز کی تعداد 10 ہزار 267 ہو گئی ہے، جن میں سے ایک ہزار 562 مریضوں کی حالت نازک ہے جو انتہائی نگہداشت کے یونٹس میں زیرعلاج ہیں۔‘
وزارت صحت کی جانب سے جاری ہونے والے اعداد و شمار کے مطابق ’سب سے زیادہ مریض مکہ ریجن میں سامنے آئے، جن کی تعداد 348 ہے جبکہ ریاض ریجن میں 225 افراد میں وائرس کی تصدیق ہوئی۔‘
شرقیہ ریجن میں 149، عسیر ریجن میں 97، مدینہ ریجن میں 69، جازان ریجن میں 70، القصیم ریجن میں 40، نجران ریجن میں 21، تبوک ریجن میں 20، حائل ریجن میں 18، الباحہ ریجن میں 11، الحدود الشمالیہ میں 7 جبکہ الجوف ریجن میں 2 مریض سامنے آئے ہیں۔
اب تک چار لاکھ 64 ہزار 780 افراد میں کورونا وائرس کی تصدیق ہو چکی ہے جن میں سے چار لاکھ 46 ہزار 960 افراد شفایاب بھی ہوئے ہیں۔
وزارت صحت کا کہنا ہے کہ ’کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔‘
