مراکش میں ای ویکسین پاسپورٹ ہولڈرز قرنطینہ سے مستثنی ہوں گے

مراکش کے صحت حکام  نے دوخوراکیں لینے والوں کے لیے ای ویکسین پاسپورٹ جاری کرنے کا عندیہ دیا ہے۔

سبق ویب سائٹ کے مطابق مراکشی حکام کا کہنا ہے کہ ای ویکسین پاسپورٹ کو ویکسین لگوانے والوں کے حوالے سے محفوظ، مسلمہ سرکاری دستاویز شمار کیا جائے گا۔ 

کسی بھی ملک کے ایسے شہری جو عالمی ادارہ صحت کے یہاں رجسٹرڈ ویکسین میں سے کسی ویکسین کی دونوں خوراکیں لے چکے ہوں انہیں یہ ای ویکسین پاسپورٹ جاری ہوگا۔

حکام کا کہنا ہے کہ ای ویکسین پاسپورٹ ہولڈرز کو مراکش کے تمام علاقوں میں ادنی پابندی اور ہوٹل قرنطینہ کی پابندی کے بغیر گھومنے پھرنے کی اجازت ہوگی۔ یہ اصول سعودی شہریوں اور جی سی سی ممالک کے تمام شہریوں پر بھی نافذ ہوگا۔  

 ای ویکسین پاسپورٹ code QR سے ڈاؤن لوڈ کیا جاسکتا ہے۔ اس حوالے سے خصوصی ایپ جاری کی گئی ہے۔ ای پاسپورٹ مراکش کے کسی ایئرپورٹ پر پرنٹ کرکے پیش کیا جا سکتا ہے اور سمارٹ موبائل پر ڈیجیٹل بھی دکھا یا جا سکتا ہے۔