فائرنگ اور منشیات استعمال کرنے والے دو شہری گرفتار 

سعودی عرب میں ریاض پولیس نے دارالحکومت کے ایک محلے میں فائرنگ اور منشیات استعمال کرنے والے دو سعودی شہریوں کوگرفتارکیا ہے۔

سعوودی خبر رساں ایجنسی ایس پی اے کے مطابق ترجمان خالد الکریدیس نے بتایا کہ ’ دونوں نے محلے میں فائرنگ اور نشہ آور اشیا استعمال کرتے ہوئے اپنی وڈیو بنائی تھی جسے سوشل میڈیا پر شیئر کیا تھا۔ پولیس نے وڈیو کی مدد سے دونوں کو گرفتارکرلیا‘۔

پولیس ترجمان کا کہنا ہے کہ’ ملزمان نے دہری خلاف ورزیاں ہیں انہوں نے نہ صرف غیر قانونی کام کیا بلکہ اس کی تشہیر کرکے قانون کا مذاق بھی اڑایا‘۔  

ترجمان کا کہنا ہے کہ ’دونوں کو نشہ آور اشیا کے ساتھ حراست میں لے لیا گیا۔ مقدمہ درج کرکے پبلک پراسیکیوشن کے حوالے کردیا گیا ہے‘۔