سعودی عرب میں موسمیات کے قومی مرکز نے کہا ہے کہ سنیچر کو نجران،عسیر اور باحہ کے بالائی علاقوں میں گرج چمک کے ساتھ بارش کا امکان ہے۔ اس کا سلسلہ طائف کے جنوبی پہاڑی علاقوں تک پھیل جائے گا۔
اخبار 24 کے مطابق قومی مرکز کا کہنا ہے کہ سنیچر کو مطلع جزوی طور پر ابر آلود رہے گا۔ حائل، قصیم، ریاض اور مشرقی ریجن کے شمالی علاقوں میں تیز ہوائیں چلیں گی اور گرج چمک کے ساتھ بارش کا امکان ہے۔ گرد آلود تیز ہواؤں کےاثرات الجوف اور حدود شمالیہ تک پھیل جائیں گے۔
قومی مرکز نے بتایا کہ تبوک، مدینہ منورہ اور مکہ مکرمہ ریجنوں کے ساحلی مقامات پر تیز ہوائیں چلیں گی۔
قومی مرکز کا کہنا ہے کہ مملکت بھر میں سب سے زیادہ درجہ حرارت 45 سینٹی گریڈ الاحسا اور سب سے کم درجہ حرارت 12 سینٹی گریڈ السودۃ میں ہوگا۔
