عمان میں کاروباری سرگرمیوں پر پابندی اٹھا لی گئی

عمان میں  کورونا وائرس کے پھیلاؤ روکنے کے لیے دن کے وقت کاروبار اور نقل و حرکت پر لگائی گئی پابندیاں اٹھا لی گئی ہیں۔

عرب نیوز کے مطابق پابندیاں اٹھانے کا فیصلہ کورونا پر نیشنل ٹاسک فورس نے کیا ہے۔

ٹاسک فورس نے تجارتی سرگرمیاں شروع کرنے کی اجازت دے دی ہے۔

تاہم کورونا کے حوالے سے دیگر ایس او پیز پر عمل درآمد جاری رہے گا جن میں تجارتی مراکز میں کم تعداد میں لوگوں کی اجازت دینا اور جم اور سپورٹس کلب پر پابندی اور رات آٹھ بجے کے بعد ریستوان اور ہوٹلز میں صرف ڈیلیوری سروس کی سہولیات شامل ہیں۔

رات آٹھ بجے کے بعد تمام تجارتی مراکز اور دوکانیں صارفین کے داخلے کے بغیر چلیں گے۔  تاہم صارفین دن بھر سٹورز میں داخل ہو سکیں گے تاہم شاپنگ مالز، ریستوران، دوکانیں اور کیفیے میں دن کے اوقات میں 50 فیصد کسٹمرز کے داخلے کی اجازت ہوگی۔

12 سال سے کم عمر کے بچوں کے تجارتی مراکز میں داخلے کی اجازت نہیں ہوگی۔

قبل ازیں عمان کی کورونا سپریم کمیٹی نے کورونا کے حوالے سے نئی ہدایات جاری کی تھی جن کا اطلاق سنیچر 15 مئی سے ہوگا۔

نئی ہدایات کے مطابق رات کو نقل و حرکت پر پابندی ختم کر دی گئی تھی جب کہ حکومتی دفاتر میں کام 50 فیصد حاضری کے ساتھ کام کی اجازت دے دی گئی۔