مکہ میں وارداتیں کرنے والے  چار مقیم غیرملکی گرفتار 

مکہ پولیس کے ترجمان نے کہا ہے کہ مقدس شہر میں چوری کی وارادتیں کرنے والے چار غیرملکی گرفتار کرلیے گئے- واردات کرنے والے میانمار کے ہیں-  

عاجل ویب سائٹ کے مطابق پولیس ترجمان نے بتایا کہ چاروں چور عمر کے تیسرے عشرے میں ہیں- یہ گاڑیوں کے شیشے توڑ کر قیمتی اشیا، نقدی اور دستاویزات چوری کررہے تھے-  

گاڑیوں کے  مالکان  کی شکایات کا نوٹس لیتے ہوئے پولیس کے سراغرسانوں نے وارداتیں کرنے والوں کو شناخت کرکے گرفتار کرلیا-

ملزمان نے ساری وارداتیں ایک ہی انداز سے کی تھیں جس کی وجہ سے ان کی شناخت اور پھر ان تک رسائی ممکن ہوسکی- چاروں کو مقدمہ درج کرکے پبلک پراسیکیوشن کے حوالے کردیا گیا-