سعودی عرب اور امریکہ کی مشترکہ فضائی مشقوں کا آغاز

سعودی عرب کی رائل ایئر فورس اور امریکی فضا ئیہ نے اتوار کو مملکت کے مغربی علاقے میں مشترکہ فضائی مشقیں شروع کی ہیں۔  یہ مشقیں ’التنین‘ (ڈریگن) کے نام سے ہورہی ہیں۔ 

 الشرق الاوسط نے وزارت دفاع کے حوالے سے بتایا کہ دشمن کی دفاعی تنصیبات کو تباہ کرنے، جوابی فضائی حملے، جنگی کارروائی اور دشمن کا فضائی حملہ روکنے کی مشقیں کی جارہی ہیں۔

فریقین جنگی آپریشن میں ایک دوسرے سے یکجہتی پیدا کرنے، ایک دوسرے کی کمی پوری کرنے کے طور طریقے بھی آزما رہے ہیں۔

یاد رہے کہ سعودی عرب اور امریکہ کی فضائی افواج خطے کے امن و استحکام کے تحفظ کے لیے ایک دوسرے سے مسلسل تعاون کررہے ہیں اور یہ مشقیں اسی کا حصہ ہیں۔