مملکت میں کورونا کے ایکٹیوکیسز کی تعداد دو ہزار 702 ہے(فوٹو سبق)
سعودی عرب میں کورونا کے نئے کیسز رواں ماہ مسلسل 300 سے زیادہ سامنے آرہے ہیں۔
سبق نیوز نے وزارت صحت کی جانب سے جاری بیان کے حوالے سے بتایا ہے کہ’ جمعے کو گذشتہ 24 گھنٹے میں کورونا کے 353 نئے مریض سامنے آئے جبکہ 305 افراد وائرس سے صحت یاب بھی ہوئے ہیں۔‘
وزرات صحت کے مطابق ’گذشتہ 24 گھنٹے کے دوران کورونا کے مزید چار مریض چل بسے۔ جس کے بعد مرنے والوں کی تعداد 6 ہزار 424 ہو گئی ہے۔‘
وزارت صحت کا کہنا ہے کہ ’مملکت میں کورونا کے ایکٹیوکیسز کی تعداد دو ہزار 702 ہے، جن میں سے 447 کی حالت نازک ہے جو انتہائی نگہداشت کے یونٹس میں زیرعلاج ہیں۔‘
جاری اعداد وشمار کے مطابق سب سے زیادہ مریض ریاض ریجن میں سامنے آئے، جن کی تعداد 168 ہے جبکہ الشرقیہ ریجن میں 87 افراد میں وائرس کی تصدیق ہوئی ہے۔
مکہ ریجن میں کورونا کے 34 مریض سامنے آئے جبکہ مدنیہ منو رہ ریجن میں مریضوں کی تعداد 14 رہی۔ القصیم ریجن میں 13 افراد میں کورونا وائرس کی تصدیق ہوئی ہے۔
اب تک تین لاکھ 72 ہزار 73 افراد میں کورونا کی تصدیق ہو چکی ہے(فوٹو ایس پی اے)
الباحہ، عسیر اور حائل ریجن میں چھ ، چھ ، الجوف ریجن میں پانچ، جازان، نجران اور تبوک ریجن میں چار، چار جبکہ الحدود الشمالیہ ریجن میں دو مریض سامنے آئے ہیں۔
اب تک تین لاکھ 72 ہزار 73 افراد میں کورونا وائرس کی تصدیق ہو چکی ہے جن میں سے تین لاکھ 62 ہزار 947 افراد شفایاب بھی ہوئے ہیں۔
وزارت صحت کا کہنا ہے کہ کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔
قصیم میں کورونا کے علاج کا دعویدار گرفتارNode ID: 540426
’نقاب اورشماغ‘ کورونا سے بچاو کے لیے ماسک کا متبادل نہیںNode ID: 540436
