گاڑیاں چوری کرنے والے 6 شہری گرفتار، مشین گن برآمد

ریاض پولیس نے گاڑیاں چوری کرنے والے مقامی گروہ کو گرفتار کرلیا- 6 سعودی نوجوان سڑکوں اور گھروں کے سامنے پارک گاڑیاں وینچ کے ذریعے اٹھا کر چوری کی وارداتیں کر رہے تھے-

اخبار 24 کے مطابق ریاض پولیس نے بتایا کہ ملزمان مسروقہ گاڑیوں کو چھپانے کے لیے جنادریہ کا ایک کیمپ استعمال کر رہے تھے- وہاں وہ گاڑیاں لے جاتے اور پھر انہیں فاضل پرزوں میں تبدیل کر کے فروخت کر دیتے تھے-

ریاض پولیس نے بتایا کہ 5 مسروقہ گاڑیاں جنادریہ کیمپ سے پرزوں کی شکل میں برآمد کر لی گئیں- پولیس نے بتایا کہ پکڑے گئے ملزمان سے ایک مشین گن اور 30 گولیاں بھی برآمد ہوئیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں