مکہ مکرمہ میونسپلٹی نے غیر قانونی طور پر قائم ورکشاپ بند کردی ہے جس میں لیموزین گاڑیوں کی مرمت کی جاتی تھی۔
سبق ویب سائٹ کے مطابق شوقیہ میونسپلٹی کی تفتیشی ٹیم نے کہا ہے کہ’ ورکشاپ خالی پلاٹ ہے جس کے گرد چار دیواری ہے‘۔
’یہاں غیر قانونی طور پر گاڑیوں کی مرمت کی جاتی رہی ہے نیز یہاں ایک لیموزین کمپنی کا دفتر بھی قائم تھا‘۔
’ورکشاپ اور دفتر میں کام کرنے والے کارکنوں ایس او پیز کی متعدد خلاف ورزیوں کے مرتکب بھی تھے‘۔
میونسپلٹی نے کہا ہے کہ ’ورکشاپ سربمہر کردی گئی ہے اور انتظامیہ پر جرمانے عائد کرنے کے علاوہ مالکان کو طلب کیا گیا ہے‘۔
میونسپلٹی نے کہا ہے کہ ’رہائشی علاقوں میں ورکشاپ سختی سے منع ہے ، ورکشاپس کے لیے مخصوص علاقہ ہے جہاں ہر طرح کی ورکشاپیں قائم ہیں‘۔
