سعودی عرب میں ریٹائرڈ پائلٹ کیپٹن (ر) سعید بن ظافر بن شعفۃ نے گھر کے صحن کو طیارہ ساز ورکشاپ میں تبدیل کردیا ہے۔
روتانا خلیجیہ چینل کے معروف پروگرام ’یاھلا‘ سے گفتگو کرتے ہوئے سعودی ریٹائرڈ پائلٹ نے بتایا کہ اپنے گھر کے صحن میں ورکشاپ قائم کیا ہے۔ اس کی مدد سے بہت ساری چیزیں ایجاد کیں۔ ایک چھوٹا طیارہ بھی بنالیا ہے جو بہترین اور معیاری ہے۔
بن شعفۃ نے بتایا کہ گاڑیوں کی اصلاح و مرمت میں شمسی توانائی استعمال کررہے ہیں۔ ان کا خیال ہے کہ شمسی توانائی سے بڑے پیمانے پر استفادہ کیا جاسکتا ہے۔
انہوں نے مزید کہا کہ اپنے گھر کے صحن میں ذاتی دلچسپی اور انفرادی کوشش سے جو طیارہ بنایا ہے ایسے کسی بھی کمپنی یا ادارے کے حوالے کیا جاسکتا ہے جو اس پروجیکٹ کی سرپرستی کے لیے تیار ہو۔
