عراق کی جانب سے تیل پیداوار میں کمی 

پیٹرولاجسٹکس کے ایگزیکٹیو  ڈینل جربر نے کہا ہے کہ عراق نے اوپیک پلس معاہدے کی تعمیل کرتے ہوئے تیل پیداوار ریکارڈ حد تک کم کردی- عراق نے اگست کے مہینے میں سال رواں کے دوران سب سے کم مقدار میں تیل نکالا- 

سبق ویب سائٹ کے مطابق تیل پیدا کرنے والے ممالک کی تنظیم اوپیک میں عراق دوسرا بڑا ملک ہے- اس نے اوپیک پلس معاہدے کی پابندی کرتے ہوئے پیداوار میں کمی کی ہے- عراق سے تیل برآمدات کے اعداد و شمار سے اس کی تصدیق ہوگئی ہے- 

پیٹرولاجسٹکس کی جانب سے جاری کردہ اعداد و شمار کے مطابق عراق کی تیل کی یومیہ تیل برآمدات 25 اگست تک 2.63 ملین بیرل ریکارڈ کی گئیں- یہ جولائی کے مقابلے میں 40 ہزار بیرل یومیہ کم ہے- عراق جولائی کے دوران روزانہ 2.67 ملین بیرل تیل نکال رہا تھا- 

اوپیک پلس میں شامل ممالک نے یکم اگست سے  تیل کے پیداواری کوٹے میں غیرمعمولی کمی کے فیصلے پر عمل درآمد کیا-  

عراق گذشتہ مہینوں کے دوران اوپیک پلس معاہدے کی مکمل پابندی نہیں کررہا تھا تاہم اب وہ اپنی تیل پیداوار میں مسلسل کمی کر رہا ہے- 

خود کو اپ ڈیٹ رکھیں، واٹس ایپ گروپ جوائن کریں