شہزادہ خالد بن سلمان اور برطانوی وزیر دفاع کا ٹیلیفونک رابطہ

سعودی نائب وزیر دفاع شہزادہ خالد بن سلمان اور برطانوی وزیر دفاع بن والاس کا ٹیلیفونک رابطہ ہوا ہے۔

 دونوں رہنماؤں کے درمیان ہونے والی بات چیت میں موجودہ صورت حال، عالمی مسائل اور خطے کی سلامتی سمیت باہمی دلچسپی کے دیگر امور پر تبادلہ خیال کیا گیا ہے۔

نائب وزیر دفاع نے برطانیہ کا دفاعی نظام سعودی عرب ارسال کرنے پر ان کا شکریہ ادا کیا ہے۔

دوسری طرف برطانوی وزیر دفاع نے سعودی عرب اور برطانیہ کے درمیان باہمی تعاون کو مزید فروغ دینے کی ضرورت پر زور دیا ہے۔

انہوں نے کہا ہے کہ ’دونوں دوست ممالک کے درمیان تعاون خطے کی سلامتی اور استحکام کا ضامن ہو سکتا ہے‘۔

شہزادہ خالد بن سلمان اور برطانوی وزیر دفاع کے درمیان خطے کی سلامتی اور امن استحکام کے حوالے سے بھی تفصیلی بات چیت کی گئی ہے۔