قطر جانے والے مسافر سے منشیات برآمد

اسلام آباد: ایئرپورٹ سیکیورٹی فورس نے اسلام آباد کے بین الاقوامی ہوائی اڈے پر کارروائی کرتے ہوئے مسافر سے ڈھائی کلو منشیات برآمد کرلی۔ ذرائع کے مطابق اے ایس ایف نے قطر جانے والے قمر گل نامی مسافر سے ڈھائی کلو سے زائد منشیات برآمد کی، جو ملزم نے بیگ میں چھپا رکھی تھی۔ حکام کے مطابق ملزم کا تعلق کرم ایجنسی سے ہے اور اسے منشیات سمیت مزید تحقیقات کےلئے اینٹی نارکوٹکس فورس (اے این ایف) کے حوالے کردیا گیا ہے۔