شمالی اور جنوبی تلنگانہ میں شدید سردی کا امکان

حیدرآباد ۔۔۔۔  شمالی اور جنوبی تلنگانہ کے کئی اضلاع ،حیدرآباد اور رنگاریڈی میں آئندہ 24گھنٹوں کے دوران سرد لہر کا امکان ہے۔ محکمہ موسمیات نے اتوار کو ایک بلیٹن میں بتایا کہ آئندہ 5 دن کے دوران تلنگانہ ، ساحلی آندھراپردیش اور رائلسیما میں موسم خشک رہے گا۔ گزشتہ 24 گھنٹوں کے دوران میدک ضلع میں بعض مقامات پر اور عادل آباد ، رنگاریڈی، ورنگل رورل اور حیدرآباد اضلاع میں چند مقامات پر موسم سرد رہا۔ عادل آباد میں اقل ترین درجہ حرارت 4 ڈگری سیلیس ریکارڈ کیا گیا۔