شادی کے بعد ایمن اورمنیب برلن پہنچ گئے

اداکارجوڑی ایمن خان اور منیب بٹ کی شادی ان چند شادیوں میں سے ایک ہے جو بھلائے نہ بھلائی جا سکیں۔ شادی کی ڈھیروں تقریبات پر سوشل میڈیا صارفین نے انہیں خوب تنقید کا نشانہ بھی بنایا مگر ان تقریبات کی وڈیوز اور تصاویر میں بھی بھرپور دلچسپی لی۔ اس شادی کو پاکستان کی طویل ترین شادی بھی کہا گیا اور کچھ دل جلوں نے تو اسے اسٹارپلس کا نہ ختم ہونے والا ڈرامہ قراردیا۔ شادی کی تھکن اتارنے کے بعد اب یہ نیانویلا جوڑا ہنی مون پر جرمنی کے دارالحکومت برلن پہنچ چکاہے۔انہوںنے برلن پہنچتے ہی سیروتفریح کا آغاز کیا تو ساتھ ہی مداحوں کیلئے سوشل میڈیا پر خوبصورت تصاویربھی شیئرکیں۔