مملکت کے خلاف پروپیگنڈے کی مذمت

ریاض ۔۔اسلامی عرب کونسل کے سیکریٹری جنرل ڈاکٹر السید محمد علی الحسینی نے سعودی عرب کیخلاف عیاری اور مکاری سے بھرپور پروپیگنڈہ مہم کی شدید الفاظ میں مذمت کر دی ۔ انہوں نے واضح کیا کہ یہ سب کچھ سعودی عرب کی قابل تحسین پالیسی کو زک پہنچانے کی غرض سے کیا جا رہا ہے ۔ الحسینی نے کہا کہ مسلمانان عالم کے مرکز سعودی عرب کے خلاف سیاسی استحصال کی مہم ناقابل برداشت ہے ۔ یہ ایک ارب سے زیادہ مسلمانوں کے جذبات کو مشتعل کرنے والا چیلنج ہے ۔