اردگان جمعرات کو جرمنی جائینگے

انقرہ .... ترک صدر رجب طیب اردگان نے امید ظاہر کی ہے کہ انکے دورہ جرمنی سے دونوں ملکوں میں پائی جانے والی کشیدگی کا خاتمہ ہوگا۔ ان خیالات کا اظہار انہوں نے اقوام متحدہ کی جنرل اسمبلی میں شرکت کےلئے روانگی سے قبل صحافیوں کے ساتھ گفتگو کرتے ہوئے کہی۔ وہ جمعرات کو جرمنی پہنچ رہے ہیں۔ جرمنی میں اپنے قیام کے دوران وہ 2 مرتبہ چانسلراینجلا میرکل سے ملاقات کریں گے۔ وہ کولون میں ایک مسجد کی افتتاحی تقریب میں بھی شرکت کریں گے۔