شاہ سلمان سینٹر کی یمنی متاثرین کےلئے امداد

ریاض.... شاہ سلمان مرکز برائے انسانی امداد کے تحت یمن میں متاثرین کےلئے 1131 کھجور کے کارٹن تقسیم کئے گئے ۔ سعودی خبررساں ایجنسی کے مطابق امدادی مرکز کے تحت تقسیم کی جانے والی کھجوریں قانیہ کمشنری میں رہنے والے6786 یمنی باشندوں میں تقسیم کی جائیں گی ۔ واضح رہے شاہ سلمان امدادی سینٹر کی جانب سے یمنی متاثرین کے لئے امدادی سامان کی ترسیل کا سلسلہ جاری ہے جن میں ادویہ ، کپڑے ، کمبل ، خیمے اور دیگر ضروریات زندگی کی اشیاءشامل ہیں ۔