حجامہ کرنے والا غیر ملکی گرفتار

جازان.... جازان ریجن میں محکمہ صحت کے انسپکٹرز نے غیرقانونی طریقے سے حجامہ کرنے والے مقیم غیر ملکی کو گرفتار کرلیا۔ محکمہ کے افسر اعلیٰ عبدالعزیز بعلول نے یہ اطلاع دیتے ہوئے واضح کیا کہ مقیم غیر ملکی غیرقانونی اور غیر اصولی طریقے سے حجامہ کا مشغلہ اپنائے ہوئے تھے۔ اس سے لوگوں کی زندگی کو خطرات لاحق ہوسکتے تھے۔ اطلاع ملنے پر کارروائی کرکے اسے رنگے ہاتھوں گرفتار کرلیاگیا۔