وزارت دفاع کا عہدیدار رشوت لیتے ہوئے گرفتار

ریاض...سعودی پبلک پراسیکیوٹر شیخ سعود المعجب نے اعلان کیا ہے کہ وزارت دفاع کا ایک عہدیدار 10لاکھ ریال کی رشوت لیتے ہوئے گرفتار کرلیا گیا۔ وزارت دفاع سے متعلقہ سیکیورٹی ادارے کو اطلاع ملی تھی کہ ایک ایگزیکٹیو عہدیدار سعودی عرب کی ایک تجارتی کمپنی سے مشکوک مالی معاملات کررہا ہے، اس پر نظر رکھی جائے۔ تحقیقات سے پتہ چلا کہ عہدیدار مذکور متعلقہ کمپنی کو غیر قانونی سہولت فراہم کرنے کے عنوان سے 10لاکھ ریال کی رشوت لے رہا ہے۔ رنگے ہاتھوں گرفتاری کا پروگرام بنایا گیا اور مشن کامیاب رہا۔