تحفظ صارفین انجمن نے المراعی کا بیان مسترد کردیا

ریاض ...تحفظ صارفین انجمن نے بعض ڈیری مصنوعات کی قیمتیں بڑھانے سے متعلق المراعی کے بیان کو مبہم قرار دیدیا۔ انجمن کا کہنا ہے کہ المراعی نے قیمتیں بڑھانے کا سبب پیداواری لاگت میں اضافے کو بتایا ہے جبکہ حقیقت یہ ہے کہ حالیہ ایام میں ڈیزل کے نرخوں میں کوئی اضافہ نہیں ہوا۔ پیداواری یونٹ ڈیزل ہی سے چلتے ہیں۔انجمن کا کہناہے کہ فیول، ٹرانسپورٹ،چارے اور عملے کی لاگت میں اضافے سے متعلق المراعی نے جو بیان جاری کیا ہے، اس میں کوئی تفصیل نہیں دی گئی۔ بیان مبہم ہے۔