ہندوستانی فضائیہ کا ایک اور طیارہ گر کر تباہ

  نئی دہلی ..... ریاست گجرات کے علاقے جام نگر کے قریب فضائیہ کا ایک اور جیگوار طیارہ گر کر تباہ ہوگیا۔ پائلٹ بروقت پیراشوٹ کی مدد سے باہر نکلنے میں کامیاب رہا۔ گزشتہ3 دن میں جیگوارطیارے کے گر کر تباہ ہونے کا یہ دوسرا واقعہ ہے۔ فضائیہ کے ترجمان کے مطابق طیارے نے گزشتہ روز جام نگر سے طیارے نے پرواز بھری اور پائلٹ کو تکنیکی خرابی کا پتہ چلا۔ اس نے فوری طور پر  پیراشوٹ کی مددسے طیارے سے باہر چھلانگ لگا دی۔حادثے کی تحقیق کیلئے کورٹ آف انکوائری کا حکم دیا گیا ہے۔واضح رہے کہ اس سے قبل بھی  جیگوار طیارہ جام نگر سے  پرواز کے بعد گر کر تباہ ہو گیا تھا۔